“10” декабрь, 2021-жыл Эчки-Башы айылы
Он-Арча айыл аймагынын айылдык кеңешинин XXVIII чакырылыштагы депутаттарынын V сессиясынын ТОКТОМУ № 5/8
Он-Арча айыл аймагынын айыл өкмөтүнүн кызматкерлеринин жана мекеме жетекчилеринин бюджеттен бөлүнгөн акча каражаттары боюнча отчетун угуу жөнүндө
Он-Арча айыл аймагынын айыл өкмөтүнүн “Абдылда-Ата”, “Садык-Ата” бала бакчаларынын башчылары А.Конокбаева жана Б.Мамытовалардын бюджеттен бөлүнгөн акча каражаттарынын сарпталышы боюнча отчетторун угуп, Он-Арча айыл аймагынын айылдык кеңешинин сессиясы токтом кылат:
- Он-Арча айылдык кеңешинин XXVIII чакырылышынын депутаттарынын кезектеги V сессиясынын №5/8 протоколунун чечиминин негизинде Он-Арча айыл аймагынын айыл өкмөтүнүн “Абдылда-Ата”, “Садык-Ата” бала бакчаларынын башчылары А.Конокбаева жана Б.Мамытовалардын бюджеттен бөлүнгөн акча каражаттарынын сарпталышы боюнча отчеттору “канааттандырарлык” деп табылсын.
- “Абдылда-Ата”, “Садык-Ата” бала бакчаларынын башчылары А.Конокбаева жана Б.Мамытоваларга электр энергиясын үнөмдөө максатында жарык берүүчү лампаларды диоддук лампаларга алмаштыруу жагы милдеттендирилсин.
- Токтом айыл өкмөтү тарабынан каттоодон өткөрүлүп, Он-Арча айылдык веб сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.
4.Токтомдун аткарылышын камсыз кылуу жагы Он-Арча айыл аймагынын айыл өкмөт башчысы Р. Кадыровго жана финансы-экономикалык бөлүмүнүн башчысы М.Маанаевага милдеттендирилсин.
Кеңештин төрагасы: А. Касымалиев